رد الـسـؤال

انتبهت لدمعها بالهدب والكحل سال
لين جفت عينها دمع والقاع ارتوى




وابتدت لحظة جفى وانتهت لحظة وصال
وانطفى نور السعاده واحسب انه ضوى





ما اكتفيت من الهوا والغرام اربع ليال
وقفت ايام التلاقي وجا وقت النوى





كنت ابسلى وابتسم والتفت عنها شمال
لا قويت الصد عنها ولا قلبي قوى





ما هقيت ان الهوى عذب قلوب الرجال
لين ضاع القلب مني وتفكيري سوى





رحت ادور دفوة الشمس ضيعت الظلال
جيت اطفي شعلة النار والقلب انكوى





ما هقيت ان السعاده خيالاً في خيال
تروي قلوب الحبايب وقلبي ما روى





كنت ابشتال الهم والهوى ثقل الجبال
وان تحملت الجبل ما تحملت الهوى





كنت ابسلى بالهوى والهوى صعب المنال
ما رضى لي حظي اللي طواني وانطوى





قلت لأفراحي تعالي ولا قالت تعال
والخفوق ان قلت ابقبل على صدي نوى





الله اكبر لا اشرقت شمس يتلاها زوال
كيف ابفرح في صباحاً مع الليل استوى





لا حصل بالحب قسمة ولا جالي مجال
غير اشوف معاند الجرح وعناد الدوى


وسلامتكم

تسلم اخووي صح لسانك

الله يسلمك ويخليك ومشكور على المرور

اخوك